អនាម័យទឹក
និងការប្រើប្រាស់ទឹកដែលត្រូវសម្លាប់មេរោគ បានធ្វើអោយគ្រួសារជាច្រើន មានសុខភាពល្អ កាត់បន្ថយជម្ងឺរាគ។
ការបំពុលទឹកធ្វើឲ្យប៉ះពាល់ដល់សេដ្ឋកិច្ចរបស់ប្រជាពលរដ្ឋ
ដែលរស់តាមទីជនបទដែលកំពុងតែប្រើប្រាស់ទឹកដែលផ្ទុកសារធាតុពុល ដោយយោងតាមរបាយការណ៍របស់អង្គការ
យូនីសេហ្វបានឲ្យដឹងថា ចំនួន កុមារក្រោមអាយុប្រាំឆ្នាំ បានស្លាប់ ១១ លាននាក់
ជារៀងរាល់ឆ្នាំ[1]
ហើយធ្វើឲ្យប្រជាជនខាតបង់ថវិកាយ៉ាងច្រើនជារៀងរាល់ឆ្នាំ។
អ្នកស្រី ស៊ុក
សារ៉េត អាយុ ៥៣ឆ្នាំ មានសមាជិកគ្រួសារចំនួន៨ នាក់ រស់នៅក្នុងភូមិ គោគថ្មី ឃុំល្វា
ស្រុកពួក ខេត្តសៀមរាប បានរៀបរាប់អំពីបញ្ហាដែលគ្រួសាររបស់គាត់បាន ជួបប្រទះ
មុនពេលដែលគ្រួសារគាត់សម្រេចចិត្តយកចំរោះទន្សាយយកប្រើប្រាស់ថា
“ពីមុនខ្ញុំ
នឹងក្រុមគ្រួសាររបស់ខ្ញុំប្រើប្រាស់ទឹកភ្លៀង និងទឹកអណ្តូងសម្រាប់ផឹក ជារៀងរាល់ថ្ងៃ
ដោយមិនបានដាំទឹក ឬសម្លាប់មេរោគអ្វីទេ ព្រោះគិតថា វាស្អាតរួចហើយ។
ខ្ញុំនឹងគ្រួសារធ្លាប់មានជម្ងឺរាករួសជារៀងរាល់ឆ្នាំ។ ខ្ញុំបានទៅពិនិត្យសុខភាពនៅពេទ្យ
ឃើញថា មានជម្ងឺគ្រុនពោះវៀន ដោយមិនដឹងមូលហេតុអ្វី។” នៅក្នុងឆ្នាំ២០១២ មានបុគ្គលិកអង្គការបានមកប្រជុំផ្សព្វផ្សាយ
អំពីបញ្ហាសុខភាព ហើយក៏ជាឆ្នាំដែលមានទឹកជំនន់ផង
ធ្វើអោយអ្នកភូមិរបស់ខ្ញុំមានការលំបាកខ្លាំងដើម្បីទទួលបានទឹកស្អាតប្រើប្រាស់ និងផឹក
ម្យ៉ាងទៀតប្រជាជននៅក្នុងតំបន់នេះ ប្រើប្រាស់សារធាតុគីមី ដើម្បីសំលាប់ស្មៅ
និងសត្វល្អិត ដែលធ្វើអោយថ្នាំនោះសាយភាយទៅក្នុងប្រភពទឹក។ គាត់បានបន្តថា “កន្លងមកមានប្រជាជនមួយចំនួនក្នុងភូមិរបស់គាត់បានស្លាប់ដោយសារជម្ងឺមហារីក
ដែលប្រហែលមកពី ការបរិភោគ និងប្រើប្រាស់ទឹកដែលសារធាតុពុល។ “ ដោយឃើញអំពីបញ្ហានេះកើតឡើង
គាត់ នឹងអ្នកភូមិរបស់គាត់ ក៏សម្រេចចិត្តចុះឈ្មោះដើម្បី បានទទួលយកចំរោះទន្សាយមកប្រើប្រាស់។
អ្នកស្រី ស៊ុក សារ៉េតបានបន្ថែមថា “ខ្ញុំ និងក្រុមគ្រួសាររបស់ខ្ញុំ មានសុខភាព ដូចល្អប្រសើរជាងមុន ពីព្រោះអត់មានជង្ងឺរាគ
ចាប់តាំងពីបានចំរោះនេះមកប្រើ។ ខ្ញុំគិតថា ចំរោះទឹកនេះ
ពិតជាល្អណាស់សម្រាប់សុខភាព ជួយសន្សំពេលវេលា និងថវិកា។”
